2024/02/08

WIXekin egindako lanak

 Atzo, WIXekin egindako lanen estekin arazoak zeudela konturatu nintzen.

Jada konponduta dago eta, esteka eta lan guztiak ikusgai daude berriro.


Lanak




Baliabide baten batekin arazoak baldin badituzue, esasn, mesedez, eta konpontzen ahaleginduko naiz.

2023/11/17

BatuArte jaio da!

"BatuArte, musikatik arte hezkuntzara" jaio da!.

Euskal Autonomia Erkidegoko ikastetxetan Arte Hezkuntzak orokorrean, eta musika irakasgaiak zehazki, bizi duen egoera gero eta latzagoa dela ikusita, Musika Hezkuntzako irakasle guztiok elkartzeko garaia heldu dela uste dugu. 

Lehenengo pausuak jada emanda daude:
- Hasierako talde eragilea sortuta
- Musikako irakasleen egoera eta kezkak ezagutzeko galdetegia zabaldu genuen, ondorioak eta iritziak argitaratu ditugularik.


Bide eta lan sendoa egin ahal izateko, momentuz, bi baliabide sortu ditugu. Batetik  BATUARTE BERRIAK telegrameko difusio kanala. Honetara harpidetuz gero, taldearen berriak plazaratu bezain laster jasoko dituzu. Animatu!!
Eta besterik BatuArte SITEA, bertan egindako galdetegiaren emaitzak eta ondorioak, nortzuk garen, gurekin harremanetan nola jarri, nola har dezakezuen parte, beste erkidegoko ekimenak,... eta nola ez, ematen joango garen pausuak, hortxe irakurgai eukiko dituzue.


Gure bidea norantza eraman behar dugun ere argi dugu:
"Sare bat sortzea, ekintza bateratuak burutzea, kalitatezko programazioak sortzea, eta Arte Hezkuntza arloa musikako espezialistak bideratzea, curriculumean aipatzen den moduan lau blokeak integratuz: musika, audiobisuala, plastika eta performatiboa"


Bidea luzea bada ere, animo musikako irakasleak!!






2023/09/25

Escape Rooma bukatuta!

Bueno ba, berez "sasi escape rooma"da, baino jada bukatutzat ematen dut. Ideia, 2., 3. maila batean erabiltzea da, baina hori beti ere ikasleen arabera. 

Nik datorren ikasturtera arte ezin izango dut frogatu, baina zuetariko baten batek erabiltzen badu, eta zeozer aldatzeko edo hobetzeko proposamenik badu, bota!!



2023/06/28

MUSIKA HEZKUNTZAREN DUINTZEA

Askotan entzun dugu musikak duen garrantzia pertsonaren garapenerako, eta horrela islatzen da curriculumean; aldiz, ez dator bat hezkuntzan musikari eskaintzen zaion denbora eta garrantziarekin.

Hau dela eta, kezkaturik gauden irakasle talde bat bildu gara honi irtenbide bat emateko asmoz. Horretarako prestatu dugun galdetegi honi erantzutea eskertuko dizuegu, 5 minutu eskatuko dizkizu soilik eta guretzat oso lagungarria izango da. Zure ikastetxean musika-irakasle izandako lankiderik edo ezagunik izanez gero, mesedez galdetegia helarazi.

Lasarteko musika mintegitik abiatutako ekintza.

ZABALDU!!



2023/03/10

Martxoak 8

Berandu bada ere, hemen duzue Martxoak 8rako materiala gauza berriak gehituta.

Batetik @Hegoak-astinduk euskaraz egindako "Nor da nor?" jolasa, eta bestetik Donostiako Musika eta Dantza eskolak sortutako "Emakumeak musikariren historian" eta "Ausartu" abestia!. Bi lan interesgarri eta bikain eginda.

 


2023/01/18

Danbor nagusia izan nahi duzu?

"Doremi Musika Bizi!!!" blogan, Danborrada lantzeko material polit eta erabilgarri hau gure esku jarri dute. Betiko moduan, material bikaina.

Bizkaitarrontzako erronka majua da, "Donostiako martxa" bai lantzen ohi dugu, baina askoz gehiago, nik behintzat ez. Beraz, Donostiako danborradan lantzen diren beste kanta batzuetan murgiltzeko aukera paregabea.


Mila esker Ana Huarte eta taldea


Donostiako martxarekin sikeran animatzen bazarete, hona hemen Antton Jauregiren  erritmogramaren bideoa


Mila esker Antton!


2022/10/10

Being different is ok

Aurten, horrela ibiliko naiz gehienetan, besteen lanak elkarbanatzen. 

Oraingo honetan gure Antton Jauregik MARIZULO  blogan sarrera berria argitaratu du "Different is OK" izenburupean.

Oso istorio hunkigarri bezain polita kontatzen digu Huillo izeneko mutiko baten inguruan.

Kontu hau, orain urteak hasten da Huillo eta Coldplayren abesti batekin, nola bukatzen den jakiteko argazkian klikatu beharko duzue, Anttonek prestatutako Wixera joateko.

Ziur nago izugarri gustatuko zaizuela. DESBERDINA IZATEA ONDO DAGO, eta hori adierazteko musika eabiltzen bada, akabo!



Mila esker Antton egindako lanagatik!

2022/10/01

Marina, lapurra eta eskalaren notak

 Hau topatu eta ezin aguantatu!   
1995az geroztik, Donostiako Udalaren Musika eta Dantza Eskolako Haize eta Perkusioko irakasleok hiriko haurrentzako kontzertuak egiten dituzte. Hori zortea Gipuzkoarrena!
    Aurten prestatu duten lana oso itxura polita dauka, "Marina, lapurra eta eskalaren notak" du izena eta ezin garenez hurbildu, hauxe da deskribapena: 
    "Eskala irakaslea musika maite duen musikagile bat da, baina ez da ondo konpontzen bere ikasleekin, Musikortxea Eskolako haurrekin.
Badu alaba bat, Marina, jaiotzez itsua dena, eguna instrumentu guztiekin jotzen eta jolasten ematen duena, bere abestiak konposatu nahian,
Egun batean, etxean lapur bat sartu zitzaion. Kasualitatez, Eskala irakaslearen ikasle izana zena.
Non zegoen konturatzean, musikarekin zerikusia zuen guztia suntsitu nahi izan zuen, baina… hantxe zegoen Marina, eta hark ulertarazi zion musika sentipen bizietatik sortzen dela, eta suntsiezina dela.
Lapurrak ulertu zuen bere marrazkiak musika bezalakoak zirela, eta Eskala irakaslearekin adiskidetu zen, eta haren konposizioei irudiak jartzen lagundu zion"
Jarraian beraiek sortutako ariketak dituzue, oso ondo daude. Bereziki 1. mailarako prestatuta, baina denok erabiltzeko modukoak.



2022/09/01

Aldaketak

 Aupa!

Aurten blogak ez du mugimendu handirik eukiko, beste zereginetan ibiliko naiz eta. Baina, zeozer bururatzen bazait edo saretik proposamen interesgarriekin topo egiten baldin badut, ziur baietz, hemen elkarbanatua izango da. 

Ikasturte berrirako zein aurkeztuko zaizkigun erronka guztietarako, ANIMO!




2022/06/21

"Munduko jolasak, dantzak eta abestiak" proiektua

 Azkeneko hilabetean, ASIAko jolasak, dantzak, abestiak, kultura, bitxikeriak, hizkuntzak...ezagutu ditugu.

Atzo, guztion aurrean, azkeneko hilabetean egindako lana erakusteko momentua izan zen. HH 5 urtetik hasi eta 6. mailaraino, denok gelan ikasitakoa beste "agertoki" batean erakutsi genuean, eta primeran irten zen. 

Lan bikaina ikasturtea bukatzeko. Zorionak!!! eta ondo pasa udan!!!!



2022/06/01

"Talderik gogokoena" proiektuaren amaiera

Aurtengo eginbeharrekoak amaitzen goaz, eta oraingoan, 6. mailako ikasleek "Talderik gogokoena" proiektutxuan sortutako lanak aurrez- aurre ditugu. Azkeneko lana talde!!!!






2022/05/24

2. Zikloa "Symphony": Bidai birtuala musikaren bihotzera

Gaur La Caixa fundazioak antolatutako "Symphony: Bidai birtuala musikaren bihotzera" ikustera joan gara. Ezin hobeto pasatu dugu, bidai birtual honetan.

Ez dut askorik kontatuko, ikusi behar da eta. Oso gomendagarria.

Benetan, aprobetxatu eta txanda hartu. Ekainaren 15era arte  Bilboko Arenalean, dohan!




Informazio guztia eta material gehigarria:

    LA CAIXA FUNDAZIOA

2022/04/24

"Munduko jolasak" ASIA

Ikasturte honi amaiera emateko, COVIDa hasi baino lehenagoko proiektuari jarraipena emango diogu.
Momentura arte, Europa, Amerika, eta E.Herria landu izan ditugu. Oraingoan, Asiara hurbilduko gara! Hau erronka!!
Dakizuenez, "Munduko jolasak" deituriko proiektu hau, G.Hezkuntza eta Musika arloen arteko proiektua da. Gure ikastetxean dagoen herrialde ezberdinen aberastasuna aprobetxatuz sortu zen proiektua.
Lan egiteko materiala prestatzen dudanean abesti eta dantza ugari sartzen ditut, baina landuko dugun kontinenteko ikasleek, beraien herrialdetako abestiak, dantzak eta jolasak proposatzera animatzen ditut. Eta normalean, horiek egiten ditugu. 
Ea aurten zer irtetzen zaigun!! ez da bat ere ez erraza izango!!



2022/04/07

Korrika eskolan

Azkeneko aste hauetan KORRIKArekin ibli gara: Korrika txikia prestatzen, abestiak, dantzak, bertsoak...

Danetik pixkat! atzoko egunean ospatu genuen, eta primeran bukatzeko...Indautxu eta Basurtu eskoletako Kma!!  Aupa zuek!!!



2022/04/05

Disney eta Pixar karaokeak euskaraz

Gaur, Mitxel Elortzak egindako lan honekin topo egin dut. Disney eta Pixarreko hainbat filmetako abestiak euskaratu ditu, eta karaokea sortu. Euskaraz abesteko beste aukera bat.

Mila esker zure lanagatik.



2022/03/28

Udaberria heldu da

Udaberria heldu delaren aitzakiarekin, H.Hezkuntzan gaia lantzeko materiala bildu dut: abestiak, dantzak, puzzleak, memoryak, entzumen aktiboa lantzeko ariketa... danetik pixka bat.

Irudietan klikatu ea zer irtetzen den!





2022/03/24

Irratirako iragarkiak

 6. mailako ikasleek gure eskolako irratirako iragarkiak prestatzen ibili dira. Oso lan polita egin dute.

Esan genuen bezala, eskolako irratian entzungai eukiko dituzue, badakizue ostiralero saio berri bat egiten dela.

Horretaz gain, SOUNDCLOUDen sortutako iragarki guztiak playlist batean entzungai dituzue.

                                           SOUNDCLOUD


                                           Eskolako irratia


Erabilitako materiala





2022/03/03

Elmer eta ostadarra

Mintegikidea den Idoia Alonsok, Iralen, beste bi lankideekin prestatutako "Elmer eta ostadarra" ipuinaren podcasta oinarritzat hartuz, honen inguruko hainbat ekintzako Geniallya sortu dut. H Hezkuntzan lantzeko aproposa.

Memory eta Elmer margotu CUENTO ELMER Geniallytik atera ditut.


Berrerabili ahal diren Geniallyak gure lana errazten dute. Hau ere berrerabili daiteke eta norberaren estilo eta beharretara egokitu, animatu.

2022/03/02

Tipi tapa, tipi tapa KORRIKA!!

Aurten bai, KORRIKA badator!!
Orain bi urte Korrika barik gelditu ginen, baina aurtengoa jada prest dago. 
Beti bezala beharko dugun material guztiak klik batean. 
Abestiaren koreografia ikasiko dugu, baita leloa zeinu hizkuntzaz ere. Azken hau oraindik ez dugu, laster eukitzea espero dut.
Petoa hartu, zapatilak prestatu eta apirilaren 6an gure txanda!! 
TIPI TAPA, TIPI TAPA...


Mila esker AEK egiten duzuen lanagatik